三朵杏花

• 作者: 杨仲文
• 来源期刊: 上海采风
• 年，卷（期）: 2021,（4）
• 所属期刊栏目: 印象上海
• 页码范围: 80-83
• 页数: 4页
• 语种: 中文
• DOI: 10.3969/j.issn.1005-8842.2021.04.022

摘要

"杏花春雨江南"六个字信息量蛮大,时间地点、气候物候侪辣里厢.过去江南地区春天养个小姑娘叫杏花个常有,钱家塘里就有三个女小囡叫杏花,年龄相仿小学里同班同学,大家从小到大一直蛮要好.长大了三个杏花侪是地下党员,因为勿辣一个支部里,彼此并勿晓得对方是共产党员,当时情况也很正常. 杏花当中年纪顶大读书最多个一位,好记点称伊为教师杏花.伊读个是师范,书读出来勒中学里教书,伊个组织上线老姜也辣一道教书.当年校舍设备交关短缺,常常同民居混杂了一幢建筑里,传说迭幢老房子个顶阁楼里吊杀过人,常出鬼,葛末就堆了学堂个杂物,平常勿大有人上去,夜里厢就更加勿谈了.正好畀杏花老师同老姜伊拉里厢开会活动,秘密根本呒没人晓得,甚至用学堂个手工油印机印传单等等也勒迭间"出鬼"个房间里进行,交关方便.